على ذمة الوزير الأول خلو الدجاج من  أنفلوانزا الطيور أدخل المواطن في إنفلوانزا الجيوب  مباشرة بعد  أن أكلت اللجنة الوزارية ما تيسر من دجاج محمر , إعلانا رسميا على خلو الدجاج المغربي من فايرس إنفلوانزا الطيور وجد المواطن المغربي نفسه أمام  مهزلة إنفلوانزا  إرتفاع سعر الدجاج وقد شعر الناس بروح الإنتهازية التي تتشبع بها المحلات التجارية والمتخصصة في بيع الدجاج وللإشارة فإن أغلب المغاربة تجنبوا اكل الدجاج وفضلوا لحم السمك ما دام الأمر مشكوكا فيه كما أن الصورة التي قدمتها اللجنة الوزارية لا تشكل حسما في الموضوع ما دامت الطيور المهاجرة تسافر يوميا  وتحط بالأراضي المغربية وفي حديث لأحد المواطنين الذين شاهدوا الوزراء يطعمون أنفسهم ما شاء الله قال لي : والله العظيم ما ناكل الدجاج قلت له : علاش راه الوزير الأول كلا ه واللجنة الوزارية حتى هي أنا بعد كنصدق راسي , الدجاج اللي وراوه في التلفزيون ما شي هو اللي كيبيعوالينا في السوق كيفاش راني ما فهمت منك والو الدجاج اللي تلفزوه تقول كيلعب الرياضة أكلوا  منتاعش فيه الحيوية  أما اللي كيتباع لينا مريش أناعس كيكمع أمريك أمشكوك فيه سمح لي هذه را اللجنة الوزارية تحملت المسؤولية باش تأكد باللي دجاجنا صحيح آخويا كول أنت أما أنا أوليداتي لا , علاه نصدقوهم غير في الماكلة ديال الدجاج أش كتقصد ؟ من النهار اللي عقلت فيه على راسي ما تحقق ولا شي كايكلوه شكون هما ؟ اللي على بالك ! حكوماتنا  وزراءنا  , معمر شي حاجة تحقات ما كاين غير غادي نديروا  حتى إدارت فينا أصاحبي الدجاج واحد واللجنة ماشي جات أقالت الناس كولوا  الدجاج بغيت تقول راهم داروا الفحوص الطبية إيه , راهم بياطرة ومتخصصين أنا كنعرف حاجة فقدت الثقة في كلشي وإلى جات علي نصوم حسن ما نجيبها في وليداتي هذا ما شي حل الحل في نظارك السي الصحافي ناكل الدجاج ولحوني في السبيطارات لا دواء ولا عناية  ولا نيتم أوليداتي حيث الوزير الأول واللجنة كلاو الدجاج , اللا سيدي إجيو  السوق ويختاروا الدجاج منو ونطيبو ليهم في الدار بلا كميرا بلا والو أوخا ياكلوه أنا اللا إهنا خطأت اللا السي الصحافي , أشكون اللي قال بأنهم داكين الشوكة ضد أنفلونزا الطيور  وخا ياكلو فروج الواحد ما يكرش أما احنا را مداكين غير القهرة واش الوزير كياكل الفخذ ديال الدجاج  ألباعة ديال الدحاج طلعوا الثمن  هذه را أنفلوانزا الجيوب , اسمح لي الزين راك جريت ليا السان بزاف كيف ما قلت ليك أبلا سمية هكذا ودعني المواطن وهو متأكد بأن ثقته لا يضعها في من يخالف العهد والوعد فطيلة السنين وحكوماتنا خطابها في واد وما يعيشه المواطن في بحر لهذا  فالثقة هي التي جعلت الوزير الفرنسي يأكل اللحم أمام الكاميرات والثقة هي التي جعلت وزيرة أوروبية من أكلها الدجاج أمام المواطنين لكن في بلدنا تم المشكلة الثقة المفقودة فوزير المالية ما شاء الله زاد في سعر المحروقات أواعد المواطنين بانخفاظها ساعة إنخفاظ  السعر عالميا والأن قد إنخفظ فأين الوعد يا ااااااااااااوزير